Volleyball Q/F khel tur hriat theih ta

Zonuna Kawlni /

Central YMA leh Mizoram Volleyball Association (MVA) tangkawp buatsaih LBS Suzuki Inter Branch YMA Volleyball Tournament 2024 khelh mekah Quarter Final khel turte hriat theih an ni ta.

Aizawl-a LBS Suzuki Inter Branch YMA Volleyball Tournament 2024 khelh mekah hian nimin-a inkhel ah Serchhip Sub-Hqrs. YMA huamchhung atanga tel zingah Khawbel Branch chuan Keitum Branch chu 3-0 (25-17, 25-18, 25-23) a hnehin Quarter Final an lut a, Quarter Final-ah Hunthar Branch chu Vawiin-ah an hmachhawn leh ang.

Nimin-a inkhel dang ah Thentlang Branch erawh Tuikual North Branch lakah 3-0 (27-25, 25-17,25-16) a tlawmin Hmuntha Branch pawh Dinthar Branch lakah 3-1 (23-25, 25-14, 25-22, 25-11) in an tlawm bawk a. Maubawk Branch in Ruallung chu 3-1 (19-25, 25-18, 25-16, 25-23) in an hneh bawk a. Vawiin hian Quarter Final-ah Hunthar Vs Khawbel; Chhinga Veng Vs Tuikual North; Muanna Veng Vs Dinthar leh Khawhai Vs Maubawk te an inhmachhawn ang.

Hmeichhe inkhel ah Thenzawl Field Veng chu Kanan Branch lakah 3-2 (22-25, 25-17, 25-16, 17-25, 17-15) in an tlawm a, Bungkawn Branch in Luangmual 3-0 a hnehin Armed Veng South Branch in Durtlang Branch 3-0 in an hneh a, Vaivakawn Branch in Kolasib Diakkawn Branch 3-2 in an hneh bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »