Kumin ah ASF vangin Vawk 9866 a thi tawh

Zonuna Kawlni (LENKAWL) • August 22, 2024 • Comments • Mizoram

AH&Vety Department changtu Minister C. Lalsawivunga’n kumin January atanga August ni 15 inkarah Vawk pul hri, African Swine Fever (ASF) vangin Vawk 9866 an thih tawh thu leh Vawk 17977 suat an ni tawh tih Assembly House-a zawhna ziaka a chhanna ah a sawi a. Kumin January atanga August ni 15 thlenga Vawk thi leh suat avanga sum hloh zat chu cheng vbc. 239.45 a nih thu leh kum 2021-2022 ah cheng vbc. 334.14 leh kum 2022-2023 ah cheng vbc. 210.32 hloh a nih thu a sawi bawk. Vety Minister chuan State pawn atangin Vawksa lakluh thin anih thu pawh zawhna a chhanna ah hian sawiin, Pune, Maharashtra atanga lakluh thin anih thu a sawi a, State pawn atanga Vawksa lakluh chu dan hmanga khap theih anih thu a sawi bawk.