Union MoS-in Selesih-a CVSc&AH a tlawh

Union Minister of State for Agriculture and Farmers’ Welfare Bhagirath Choudhary chuan Selesih-a College of Veterinary Sciences & Animal Husbandry (CVSc& AH), Central Agricultural University (CAU) chu nimin khan tlawhin thawktute a kawm.

Union Minister Bhagirath Choudhary hian CVSc& AH, Central Agricultural University (CAU), Selesih-a Teaching Veterinary Clinical Complex (TVCC) leh Department of Veterinary Microbiology te tlawhin loneitute leh ranvulhtute chu ngaih pawimawh tur an nih thu leh kum 2029-ah chuan an thla tin lakluh chu a let 4-a pung tura hmalakna kalpui mek a nih thu a sawi a. An thlai leh sa tharchhuahte a hralhna lam an ngaipawimawh tur a nih thu a sawi bawk.

CAU, Selesih-a Teaching Veterinary Clinical Complex Union Minister in a tlawhna ah hian Prof. Fazal Ali Ahmed chuan Vety College-in ran dam lo enkawlna a kalpui dan sawifiahin Department of Veterinary Microbiology a tlawhna hunah hian Prof. Tapan Kumar Dutta chuan ran natna hrang hrang chhuichhuahna atana project hrang hrang an khawih tawh leh an khawih mekte hrilhfiahin a enpui bawk a. Department of Livestock Production Technology (LPT) hnuaia sak thar Sales Booth chu Union Minister hian a hawng bawk a. Vety College-in kum 25 an tlin hriatreng nana lung an phun, ‘Silver Jubilee Monument’ chu hawngin, College Campus-ah thing a phun hnuah Community Hall-a Exhibition buatsaih chu tlawhin a enfiah bawk a ni.