TKP Day-ah hnatlang nei

Nimin July 30, 2024 Baptist Church of Mizoram (BCM) hnuaia Thalai Kristian Pawl (TKP) din champha vawi 73-na a ni a, TKP Unit hrang hrang te chuan he ni hi urhsun taka hmanga thupui atan ‘I Pathian tawk turin inpeih rawh’ tih chu hman a ni a. zingkar-ah TKP Unit hrang hrang ten Plastic bawlhhlawh chharkhawm hnatlang neiin zan lama he ni puala inkhawm neih a ni bawk.

MTKP-in an tarlan dan chuan Mizoram a Baptist Church of Mizoram (BCM) Pastor Bial 95-ah TKP Unit 439 a awm a. Hqrs. Area-ah member 30,087 an awm mek a, Aizawl Area-ah member 10,135 awmin Lawngtlai-ah member 8,569 an awm a, an vaiin member 48,791 an awm mek a ni.

Kohhran kutke tangkai leh member tamna ber TKP hi Presbytery (tuna Assembly ni ta)-in a phalsak angin kum 1952 Inkhawmpui, Pukpui-a rorelna in din rawtna chu pawmpuiin Pastor Bial-a din phalna pawh a pe nghal a. BCM Kohhran dinna hmun hrang hrangah Unit leh Bial TKP chu a lo ding ta a ni.