Mizoram RCS in Serchhip-a DCO a rawn tlawh

Registrar of Cooperative Societies (RCS) R. Lalremsanga MCS chuan Ningani khan Serchhip a District Cooperative Officer (DCO) Office a rawn tlawh.
Registrar of Cooperative Society (RCS) hi Serchhip-a DCO L. Lalzidingi leh a thawhpui te bakah Serchhip-a Cooperative Society then-khat a hruaitu ten lo dawngsawngin inkawmna an nei a, he hunah hian RCS chuan Cooperative Society chu ram hmasawnna hnuk pawimawh ber te zinga mi anih thu leh kan hman tangkai thiam chuan chhungkua leh khawtlang tana chaw bel tha tak a nih thu a sawi a, Mizoram sawrkar tharin Insawhnghehna a kalpui mekah Serchhip chu Chief Minister Bial a nih angin kawng engkim ah hmasawnna hnathawh bulanna ni tura a beisei thu a sawi a. Sawrkar Flagship Programme -Hand Holding kalpui turah Cooperative Society chu sawrkar kut ke pawimawh turte zing a mi an nih thu te a sawi bawk.


He hunah hian MIZOFED Serchhip Branch Manager Vanlalmalsawma Vuangtu chuan MIZOFED in Eirawngbawlna Gas leh Then-zawl-ah Petrol Pump an enkawl mek thu sawiin, Serchhip-ah Petrol Pump siamna tura phalna (permit) hmu mai thei dinhmunah an awm mek thu a sawi a. Serchhip MIZOFED Gas Agency hnuaiah Gas Consumer 13600 chuang an neih thu leh Mizoram-a ‘LPG Home Delivery System’ kalpui tha ber an nih mek thu a sawi bawk.

Mizoram Cooperative Apex Bank Ser-chhip Branch Manager Lalnunthara pawhin Serchhip Apex Bank-ah Account Holder mi 5000 vel an awm mek thu leh heng zinga thenkhat te erawh Account Activate lo a nih thu a sawi a, North Vanlaiphai-a Branch thar an din tur pawh chak taka bawhzui a nih thu a sawi bawk.

Serchhip-a District Cooperative Officer Office-ah hian tun dinhmun ah thawktu mi 7 awmin an hnuaiah hian Cooperative Society 115 an in ziaklut mek a ni.

Comments

Popular News (Last 30 Days)

LPG man bithliah thar