Aizawl-ah Vidya Samiksha Kendra hawng

School Education Minister Dr. Vanlalthlana'n nimin khan School Education Complex, Mc Donald Hill, Aizawl-ah Mizoram Samagra Shiksha hnuaia zirnaa hnathawh leh hmalak dan vilna leh thlithlaina, 'Vidya Samiksha Kendra' (VSK) a hawng.

Vidya Samiksha Kendra hawnna ah hian Education Minister chuan State danga a lo hmuh tawh, a rualawh ruk em em zirna kawnga hnathawh leh hmalak dan vilna leh thlithlaina 'Vidya Samiksha Kendra' hawn a lo ni thei ta chu lawmawm a tih thu a sawi a. Hmun khat atanga School-a zirlai leh zirtirtute dinhmun tharlam ber ber te, zirtirtu awm that leh chhiatna te, naupang tlem leh tamna te, Sawrkarin sikula hna a thawk chi hrang hrangte awlsam taka hmuh zung zung theihna tur a awm ta chu lawmawm a tih thu sawiin, Mizoram zirna atan kailawn thar a nih thu leh tangkai taka hman a nih a beisei thu a sawi.

VSK hi zirna kawnga hnathawh leh hmalakna chi hrang hrangte hmun khat atanga vilna leh thlirna a ni a, zirtirna hmanrua chi hrang hrang sikul in a neih Library te, Ramp te, Toilet te, tui thianghlim in turte leh zirna lama data chi hrang hrang en theihna tur a ni a. Hemi atan hian khawl pawimawh chi hrang hrang hman niin Ministry of Education atangin cheng vbc. 3 hmuh a ni a. Zzirna kawnga hmalakna - School Management System te, Intervention hrang hrang thlir zuina atan te, zirlaite dinhmun tehna atan te, Zirna dinhmun bihchianna atan te, Sikul leh zirlai dinhmun tarlan nan te, School grading system te leh  Financial management system atan te hman tum a ni.