Volleyball Serchhip District Championship khelh zawh a ni
Serchhip Vengchung Volleyball Court-a khelh ‘Serchhip District Volleyball Championship 2023’ hi nimin chawhma lam khan Hmeichhe Final khelh niin Darnam VC te chuan Vengchung VC chu 3-1 a hnehin an Champion a, Champion Team in Rs. 10,000 leh pahnihna in Rs. 5000/- bakah Trophy leh Certificate an dawng ve ve a ni. Mipa Final-ah Keitum VC in Pool Match-a an hneh loh Khawbel VC chu 3-1 a hnehin an Champion bawk a, Champion in Rs. 15,000/- leh pahnihna in Rs. 10,000/- an dawn bakah Trophy leh Certificate an dawng ve ve bawk a ni.
He Championship kharna hun nimin a SDVA President K. Tlangthanmawia kaih-hruaia neih ah khuallian nia hmanpuitu Serchhip Vengchung VCP B. Vanlalngura chuan Volleyball chu eizawnna tling ni tawh mah se hmasawnna tur tam tak kan la neih thu a sawi a. Sum leh pai a hautak avangin Sponsorship lamah tan lak a tul thu leh tun aia regular zawka Tournament neih a nih chuan Player te pawhin hma an sawn a beisei thu a sawi a. Serchhip District Sports Committee-a Vice President Lalrinmawia pawhin he hun hi a hmanpui bawk a ni.
Comments
Post a Comment