Serchhip District-a Polling Station thenkhat sawn tura ruahmanna siam a ni

Serchhip District chhunga Polling Station thenkhat hmun chu sawn tura ruahman niin Electoral Roll-a Section theknhat pawh siamrem a ni bawk.
Zirtawpni khan Serchhip District Election Officer (DEO) David Lalthantluanga hovin Serchhip DC Meeting Hall-ah Special Summary Revision of Photo Electoral Rolls, 2024 neih leh tura Polling Station Area siamthat leh Polling Station Building thlak ngai chungchang ngaihtuahin District Level Standing Committee thutkhawm neih niin he Meeting hian Tuikum Bial-a 31-Vanchengte Polling Station atana hmanlai Govt. Primary School Building chu Vanchengte Middle School a sawn nise an ti a. Hrangturzo Bial-ah 10-E.Lungdar-I Polling Station chu BDO Conference Hall atangin Buhzem Cluster Level Federation SHG Building-ah sawn ni se an tih bakah 13-Chekawn Polling Station chu Govt. Primary School atangin Govt.Middle School-ah sawn nise tih rawtna te chu an pawm a. Heng rawtna hrang hrang te hi anmahni Booth Level Officer (BLO) theuh te leh Political Party hruaituten lo ngaihtuah ho tawhin an pawmpuina leh remtihna lehkha chu he Meeting-ah hian pharh a ni bawk.

Heng bakah hian Electoral Roll Section siamthat rawtna engemawzat a lut bawk a. Serchhip Bial-ah 14-Serchhip IV Section 1-ah Bazar Veng chu Bazar Veng-I tiin dah a ni a, Section-II ah Bazar Veng-II leh Ramthlun Veng-II dah belh a ni a. 17-Serchhip VII Section II hnuaiah Ramthlun Veng leh Bazar Veng tia dah thin chu Ramthlun Veng-I tia thlak niin Bazar Veng hi dah tel a ni tawh dawn lo a; Section III-ah Field Road leh Hospital Area tia dah thin chu Hospital Area hi dah tel a ni tawh dawn lo bawk a ni.

Tuikum bial-ah 2-Tlungvel I-ah Section II-Vengthar chu Vengthar I leh 3-Tlungvel II ah Section-I Vengthar chu Vengthar -II a ni tawh dawn a. 25-Chhiahtlang III-ah Section II-Chhiahtlang Vengchung chu Chhiahtlang Vengchung-I a ni tawh ang a. 26-Chhiahtlang IV-ah Section III-Chhiahtlang Venghlun chu Chhiahtlang Venghlun-II a ni tawh dawn a, 27-Chhiahtlang V Section II-ah Chhiahtlang Vengchung chu Chhiahtlang Vengchung-II a ni tawh ang. Hrangturzo Bial-ah 26-N. Vanlaiphai-IV ah Section II hnuaiah Sanpoh belh a ni bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni