Minister hovin Horticulture Department hotute an thukhawm

Horticulture Department changtu Minister Prof. Lalniliana hovin nimin khan Horticulture Commissioner & Secretary Garima Gupta leh Horticulture Directorate-a thawk Officer te chu an thukhawm.

Horticulture Department Committee Room-a he thutkhawm ah hian Minister Prof. Lalnilawma chuan Horticulture Department chu a tuina tak a ni tih sawiin, “Development Department te ngaihpawimawh an ni dawn a, a thawktute mamawh ang phuhru turin hmalak kan tum ang a, kan tum ber tur chu kuthnathawktute ngaihpawimawh a chawikan a ni,” a ti a. Kuthnathawktute tharchhuah hralhna turin Prosessing leh Marketing te ngaihpawimawh a, kawng dap zel a ni ang tih pawh sawiin, “Farmers ten a hlawkna an tèl hi kan hlimna a ni mai,” tiin Department a thawktute nen inpawhtlang tak leh tha tho taka thawkho turin a sawm bawk bawk a ni.

He Meeting hi Horticulture Director CH. Lalmuanpuia chuan kaihruaiin Inhmelhriattirna te neih zawh anih hnuah Horticulture Department hnuaia hmalakna hrang hrangte leh hmalakna tura hmachhawp te Sectional Officer te'n Powerpoint presentation hmangin inhrilhfiahna hun an hmang bawk.