Latest News

World Rabies Day-ah a thlawnin Ui a hri danna pe

World Rabies Day pualin nimin khan Serchhip District chhungah AH&Vety Department chuan Ui 258 te chu a thlawnin Ui a hri danna in an chiu.
Nimin  September 28 kha World Rabies Day niin AH&Vety Department chuan he ni pual hian Serchhip District chhunga Vety Hospital leh Dispensary hrang hrang kaltlangin a thlawna Ui a hri danna pek hna an thawk a, Serchhip-ah Ui 50 te Ui a hri danna a chiu in Thenzawl-ah 21, East Lungdar-ah 64, North Vanlaiphai-ah 32 leh Chhiah-tlang-ah 91, a vaiin Ui 258 te chu Ui a hri danna a chiu an ni. Ui a hri danna a Ui Chiu man hi Vety Department-ah chuan Rs. 60/- niin Private ah chuan Rs. 160/- vel te sen a tul thin tih Vety Department hotute chuan sawiin, amaherawh chu World Rabies Day pual hian a thlawna Ui a hri danna hi pek a nih thu leh kum 2023-ah chuan India ramah he hri hi umbo tum a nih thu an sawi bawk.


India ram hi Ui a hri tia kan hriat lar, Rabies natna in a chenchilh ram niin khawvêla Rabies natna za zela 36 vel hi Ui seh atanga kai a ni a, he natna hi enkawl loh chuan thihpui ngei thin natna a ni a. Rabies hi Lyssa virus in a thlen niin Rabies hri hi Rabies hri kai ransa leh ramsa- Ui, Zawhte, Zawng, Sihal leh a dangte seh atanga kai theih a ni a. He natna kai nia rinhlelh heng ramsa leh ransa ten mihring a seh a nih chuan a rang thei ang berin tui leh sahbawnin an sehna pem silfai tur a nih thu leh Damdawi In hnai ber pan a, Doctor rawn tur a ni tih mithiam te chuan an sawi a. Kumtin kan ranvulh, a bik takin Ui leh Zawhte te Anti-Rabies Vaccine pek tur a nih thu leh Anti Rabies Vaccine a course kima lak ngei ngei tur a nih thu an sawi.

He hri kai te lanchhuah dan tlangpui chu Khawsik, Tha na, Tha zâ, Sehna pem hnuhma thip leh na te niin Thluak leh spinal cord vùng te a thlen thei a. Hei hian Awm hlê hlé thei lo, Tui hlauhna leh Boruak thawkluh hlauhna te thlenin, Zeng leh nikhaw hre lo a awmna te a thlen thei bawk a ni.

Comments

Popular News (Last 30 Days)