Hachhek bial-ah Robert Romawia Royte ding dawn

MNF President Zoramthanga chuan kum 2023 Inthlanpui atan Robert Romawia Royte chu Hachhek bial-a MNF Party Candidate-ah a puang.

MNF President Zoramthanga hian MNF Hachhek Constituency Joint Block Meet cum Mithar Lawmluh Runpui chu nimin khan Zawlnuam-ah hmanpuiin MNF Party Gen. Hqrs. Nomination Committee thu angin kum 2023 Inthlanpui atan Robert Romawia Royte chu Hachhek bial-a MNF Party Candidate-ah a puang a, he bial hi tun dinhmunah Congress atanga thlantlin Lalrindika Ralte bial a ni mek thung a. Robert Romawia Royte hi kum 2018 MLA inthlanpui ah khan Aizawl East-II bial atanga thlantlin niin Minister of State a ni mek a, hetianga bial danga a din dawn tak avang hian a bial ni mek-a ding tur chu inrinsiak mek a ni.

Nimin-a MNF Hachhek Joint Block Meet cum Mithar Lawmluh Runpui-ah hian MNF President Zoramthanga chuan ramri hrula awm Opposition bial ni chunga Hachhek bial in hmasawnna tam tak an hmu chu a lawmpui thu a sawi a. Kum 60-a upa tawh MNF Party chu Pathian in a kaihruai nia sawiin, “Kan Zohnahthlak unau hmun hrang hranga awm ten Pathian tanpuinain a sawrkar leh ngei atul thu leh MNF sawrkar chu an thlamuanpui thu an sawi a. Hun harsa chi hrang hrang tawk thin mah ila, kan sawrkar leh ngei ang tih kan ring a ni,” a ti bawk.

MNF Party in thuchhuah siama an tarlan danin nimin-a he hun hmanna ah hian MNF Party zawm thar mi 1391 chu lawmluh an ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar