Mamit District kum 25 tlin lawmna neih a ni

Mamit District in kum 25 a tlin lawmna chu Inrinni khan Mamit Chhim Veng YMA Hall-ah neih a ni.

Mamit District Silver Jubilee lawmna hi Dy. Govt. Chief Whip Lalrintluanga Sailo chuan khuallian nia hmanpuiin Mamit District in kum 25 a lo tling ta chu lawmawm a tih thu leh dawmkan ngai reng District an nih loh nan rilru thar an put a ngaih thu a sawi a, tanrual chu chakna a nih angin Aspirational District an nihna atanga an chhuah theih nana theihtawp chhuahtu ni theuh turin District mipuite chu a sawm a. Hmasawnna pawt hniamtu ni lo tur leh midangte nek tum rana khawsa lo tura chahin, District Headquarter a chengte chu hmasawnna kawng engkimah hmahruaitu nih tum turin a chah bawk.

Mamit District Silver Jubilee lawmna hi Bawrhsap Lalnunhlua chuan kaihruaiin Khual zahawm Mamit bialtu MLA Er. H. Lalzirliana chuan Mamit District-in Silver Jubilee an hmang thei chu lawmawm a tih thu sawiin, puitling zia nei a, lanchhuahtir zel turin kalkhawmte a chah a. Hachhek bialtu MLA Lalrindika Ralte te pawhin Pathian in min siam chhan angin rawng inbawlsak tawn a, dinhmun sang zawka awmte'n dinhmun hnuaihnung zawka awmte theih ang tawka tanpui a, dawmkang thin turin kalkhawmte chu a chah bawk.

He hunah hian Rohlupuia Chhangte chuan Mamit District chanchin sawiin tunhma leh tun dinhmun tarlanna Documentary Video chu thlirho a ni bawk. Mamit District hi 3025.75 sq.km a zau niin Area zau zawngah Mizoram-ah pahnihna a ni a. March 1998-ah Aizawl West District ti-a District thar din niin tunah hian Village Council 89 leh Sub-Village 10 a awm mek a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man