ZMC-ah Research Project 10 vel kalpui mek

Health Minister Dr. R. Lalthangliana chuan Zoram Medical College (ZMC) hnuaiah Health Ministry leh ICMR atangin Research project 10 vel kalpui mek a ni, a ti.

    Health Minister, Dr. R. Lalthangliana hian Inrinni khan ZMC hi tlawhin ZMC-a hmasawnna hrang hrangte thlirletna (Review Meeting) hun an hmanna ah he thu hi a sawi a, tunah hian ZMC-ah Doctor (MBBS) zirlai 485 awmin, kum 2018 Batch ten thla leh atangin Internship tan theih beisei a ni, a ti. Health Minister chuan tun dinhmunah ZMC-ah hian khum 480 vel a awm a, a vaiin reilote ah hman theih vek a ni anga. ICU khum 30 nei mekin he mi bul lawkah hian Paying Cabin (Special Ward) mi 50 vel len theihna chu hman theih thuai a ni dawn a. Oxygen plant pathum awm mekin Medical Superintendent Office sak thar pawh luah a ni tawh tih a sawi bawk.