Hmanraw thuhmun hmangin Tlang san zawng teh

Govt. Champhai College-a Geography Department chuan Mizoram chhunga Tlang sang 5 te chu tunhnai khan a san zawng an teh thar.

    Govt. Champhai College Principal P.Lalhmingliana sawi danin, an College hian Mizoram-a tlang sang zualte san zawng hmanraw thuhmun hmanga teh vek project an neih chu tunhnaiah khan zofelin, Mizoram tlang sang zual 5 chu E-Trex Garmin hmangin an teh a. Hemi atanga a lan danin Mizoram-a tlang sang ber, Phawngpui tlang chu ft. 7,077 nia chhinchhiah a nih laiin ft. 7048-a sang a ni a. Lengteng tlang ft. 7,024 nia chhinchhiah chu ft. 7,023-a sang a ni a, Zopui tlang ft. 6,070 ti a chhinchhiah chu ft. 6,462 a sang niin, Surtlang tia hriat thin Hmunphevum ft. 6,453 ni a chhinchhiah chu chu ft. 6,444 a sang in an teh a, Lurh tlang ft. 6,348 ti a chhinchhuiah chu ft. 6,295-a sangin an teh bawk a ni.