END ten Serchhip-ah heroin No. 4 man leh teuh

Serchhip-a Excise & Narcotics Department chuan nimin khan Serchhip khawpui chhung hmun hnih ah Heroin No. 4 Hawng 20 chuang an man.
Inrinni kalta-a Heroin No. 4 gram 50 chung an man hnuah Serchhip-a Excise & Narcotics Department-a thawktute hian nimin khan Serchhip Chhim Veng-ah Sahbawn bawm pakhat a dah Heroin No. 4 gram 11.93-a rit chu an man a, hemi kaihhnawih ah hian Lalruathlua, Serchhip Field Veng nia insawi pawh man niin thubuai siam sak nghal a ni. 

Hemi hnu nimin chawhnu lam khan New Serchhip-a Irrigation Complex bulah Excise & Narcotics Department te hian Heroin No. 4 Hawng 21 zet an man leh a, heng an man te hi Sahbawn bawm 21-a dah te niin a vaiin gram 270.07 zet-a rit a ni a, hemi kaihhnawih ah hian Lalnunhlima (32), New Serchhip Luiral-mawi nia insawi pawh manin thubuai siam sak nghal a ni bawk. Hun engemaw chen Serchhip ah damdawi (Heroin No. 4) hi a vang deuh nia a lan hnuah tunhnaiah a tam leh tan mek niin a lang a, tun dinhmun ah Heroin No. 4 Hawng khat hi Rs. 18,000/- man vel nia chhut a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar