CM in Mobile Veterinary Unit (MVU) 26 vailiam

Ranvulhtu ten ran hriselna enkawlna (Veterinary Service) changtlung zawk an kawtkaia an dawn theihna tura hmalakna thar, Mobile Veterinary Unit (MVU) 26 chu nimin khan Chief Minister Zoramthanga’n CVSc&AH Playground, Selesih atangin a vailiam.

Heng Mobile Veterinary Unit (MVU) te hi Livestock Health and Disease Control Scheme hnuaia programme pakhat, Establishment and Strengthening of Veterinary Hospitals and Dispensaries (ESVHD) programme hnuaia dilchhuah niin, MVU man hi a vaiin sawrkar laipui in a tum a ni. MVU pakhat man hi Rs. 16,00,000 niin sawrkar laipui in 2021-2022 ah Rs. 4,16,00,000 a release a. A enkawl zuina hi CSS component ni bawkin, Staff hlawh te, Oil man, Damdawi man leh a dangte State in 10% tumin a bak 90% chu sawrkar laipui tum a ni a. Hnathawktu tur Veterinary Doctor 26 leh Paravet 26 te lak fel tawh niin, Manpower Outsourcing Agency-ah driver hna pek a ni thung.

MVU atana lirthei hman hi Force Skylar Vehicle niin a man chu Rs 15,70,912 niinRs 29,088 chu Registration leh Branding atan hman a ni a. Block huamchhunga ranvulhtuten an hman tangkai theih dan ber tur ngaihtuahin hmun remchangah dah a ni anga, District Level-ah chuan District AH & Veterinary Officer administrative control-na hnuaiah District huamchhunga MVU zawng zawngte dah a ni ang.