Police ten Heroin man

/

Serchhip Police te chuan nizan hmasa khan Heroin Hawng 10 (gram 112) zet manin hemi kaihhnawih ah hian mi pathum (3) manin thubuai siam sak an ni.
 Thudawn danin Serchhip Police District Special Branch (DSB) te hian nizan hmasa khan Champhai atanga rawn ken nia hriat Heroin Hawng 4 chu Serchhip Zawlpui kawng, kawngsir-a thuhruk chu an man a, hemi kaihhnawih ah hian H. Lalropuia (38) leh Siammawii (52), Champhai Venglai nia insawi te chu man an ni bawk. Heng mi ten damdawi an pekchhuahna nia hriat chhuina kal zelah Mat Phai Tuisen ram-a Thlam pakhat bulah Heroin Hawng 6 chu man leh a ni a, hemi kaihhnawih ah hian Zorema (45), Serchhip IOC Veng (Hermon Veng) nia insawi pawh man a ni bawk.

Heng damdawi leh a kaihhnawih a man te hi ND&PS Act hnuaiah thubuai siam sak niin nimin khan Court-ah hruaitu hman tura ruahman a ni a, heng damdawi te hi tualchhunga hralhna rate anga chhutin heng damdawi an man te hi cheng nuai thum man vel a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »