Tourism hmasawnna atan inkalpawhna a pawimawh ti

Union Tourism Minister G. Kishan Reddy chuan Tourism tih hmasawn nan inkalpawhna a pawimawh hmasa ber tih a sawi.

Union Minister for Tourism, Culture and Development of North East Region (DoNER) G. Kishan Reddy hian nimin khan Mizoram rawn thlengin Aizawl Sipai Lammual-a International Tourism Mart puala thil hrang hrang an phochhuah te a en hnuah Aijal Club-ah thuthar thehdarhtute a kawm a. He hunah hian Union Minister chuan Tourism tih hmasawnna atana pawimawh hmasa chu inkalpawhna siamthat a ni tih sawiin, Tourism hmasawn nan thil hrang hrang kalpui niin Mizoram pawh hmasawnna têl tur zingah a tel tih a sawi a. Swadesh Darshan Scheme leh Prasad Scheme kaltlangin Tourism hmanga hmasawnna Mizoram in a hmu mek tih sawiin, Tourism Task Force chu Ministry hnuaiah din a nih dawn thu leh hei hi State tinah a awm dawn thu a sawi a ni.

Minister hian Tourism Ministry atanga Viewpoint 100 an pek chhuah tur zingah 9 chu Mizoram tan an buatsaih tih sawiin, Mizoram-ah 5 Star Hotel din theih nan hmalak a ni dawn tih a sawi a. Reilote ah hmarchhak State 8-ah DoNER Office hawn tum a nih thu leh North East State Capital 8 leh Delhi inkara nitin direct flight a awm thuai nan hmalak mek a ni thu te a sawi bawk.

He hunah hian Mizoram Tourism Minister Robert Romawia Royte pawhin Mizoram chuan Mizoram Responsible Tourism Policy 2020 a hlawhtlin nan theihtawp an chhuah thu a sawi bawk a ni.

Comments

Popular posts from this blog

Tukverh-a tlasual boral