Kawrthah dai-ah Opium chi man a ni

Hachhek bial-a Kuhva chingtu pawl ten an lungawi lohna lantir nana kawngpui an dan chahna ah nimin zing khan Kuhva rah, Opium chî leh Cigarette-te man a ni.

Thudawn danin nimin zing dar 6:30 vel khan Kawrthah daia Hachhek bial kuhva chingtu pawl duty te’n Dan phal loh Kuhva phur rinhlelh lirthei an dapna ah Iskut bag 80 chuang hnuaiah Kuhva ro Bag 45, (quintal 36), Poppy Seeds (opium chi) bag 31 leh UAE ram siam Cigarette bundle 15 an man a, heng an thil man hreang hrang te hi Aizawl lam atanga rawn phurh niin lirthei khalhtute hian an thil phurh hi Agartala thlenpui tur niin an sawi a. Iskut phurhna Challan chu Mizoram Iskut Growers’ Association, Headquarters, Sihphir ta niin a inziak a. Iskut bag 205 phur anga tarlan a nih laiin bag 80 vel chauh a awm a, Kuhva ro leh Poppy Seed leh Cigarette te an phurh tel avang hian Dan lova Kuhva ro tawlh karah sawrkar phal loh thil zehruk a awm ngei a ni tih a langchiang hle ah HBKCP chuan an ngai a ni.

Comments

Popular posts from this blog

Tukverh-a tlasual boral