Union Minister of State in Aizawl-ah a tlawh

Zan hnih (2) riaka Mizoram rawn tlawhtu Union Minister of State for Women & Child Development and AYUSH Dr. Munjpara Mahendrabhai chuan Inrinni khan Aizawl Venghnuai-a Health & Wellness Centre leh Aijal Club Park-a State Handloom Expo a tlawh.

Union Minister of State hian Venghnuai-a Health & Wellness Centre a tlawhna ah hian Mizoram sawrkar leh mipuiten an lo dawnsawn danah thinlung takin lawmthu a sawi a, India sawrkarin mipuite hriselna tha zawk an neih theih nan kawng hrang hrangin hma an la tih sawiin, amah ngei pawh damdawi lam Doctor, Lung (heart) Specialist a ni tih a sawi a, Surendranagar District, Gujarat-ah a awm a, Member of Parliament a nih hma hian damlo nuai 10 chuang a en hmana a inhriat thu sawiin, nitin damlo 100 bawr vel a en thin thu leh damlo enna man hi damlo pakhatah Rs. 2.50/- (cheng hnih leh duli) a la thin tih a sawi a, damlo rethei te te te hi an dinhmun hriatthiam saka dimdawi taka enkawl an ngai lehzual tih a sawi a ni.

Damlo inentir turte leh enkawl ngaite tan damdawi in leh a chhehvel fai leh thianghlim taka enkawl a pawimawh tih sawiin, Venghnuai Health & Wellness Centre chu a enkawltuten neitu thinlung pu a an enkawl vangin fai tak leh thianghlim tak a ni, a ti a. Hetiang vek hi Mizoram chhung hmun hrang hranga damdawi In te pawh an nih a rin thu sawiin, entawntlak a ni, a ti a. Kum 2014 hma lam khan AYUSH hi Ministry of Health & Family Welfare hnuaiah Department tereuhte a ni a, Sawrkar laipuiin AYUSH hi a ngaih pawimawh avangin Prime Minister Narendra Modi chuan nasa takin a tilian a, Ministry hran a ding ta hial a, hma sawn tir zel turin tan an la zel dawn tih a sawi bawk.

Hemi hnu hian thla thar October ni 1 thleng awh tur Aijal Club Park-a ‘State Handloom Expo’ neih mek chu tlawhin Health & Family Welfare leh Commerce & Industries changtu Minister Dr. R. Lalthangliana leh Commerce & Industries Director Florence Zotluangpuii bakah Official pawimawh ten an lo dawngsawng a, Expo-a Stall hrang hrang 47 te a tlawh hnuah Dr. R. Lalthangliana nen hian inkawmin Health Minister hian Mizoram-ah ramhmul Damdawi siamna tur hnimhnah leh thlai tam tak a awm nia a hriat a nih thu a sawi a. Mizoram tan Ramhmul damdawi siamchhuahna tura hmalak leh kuthnathawktute zinga ramhmul damdawi chin leh lakkhawm dan inzirtirna nasa neih a nih phawt chuanState tan hmasawnna kawngkhatah siam belh a nih phah dawn tih sawiin, Mizoram a ramhnim leh thlaite zirchian (research) a tul thu leh hemi kawngah hian a tul anga hma laksak turin a ngen a, Dr. Munjpara hian bengkhawnin, Mizoram State Annual Action Plan 2022-2023 pawm tawh chu sum release thuai turin a ngen nghal bawk a ni.

Comments

Popular posts from this blog

Tukverh-a tlasual boral