Chhungkaw 32,756 te bultanna pek tawh an ni

MNF Adviser leh Mizoram State Planning Board Vice Chairman H. Rammawi chuan SEDP hnuaiah Pilot Project-ah chhungkaw 32,756 hnenah bultanna pek tawh a nih thu a sawi.

MNF Party in nimin a Aizawl-a Hnam Run Chhung Inkhawm an neih ah he thu hi sawiin H. Rammawi chuan, “Kumin chhungin, chhungkaw singruk chuangah Rs. 50,000/- zela pek hman tuma hmalak mek a ni,” a ti. Hei bakah hian State Planning Board Vice Chairman chuan, “Budget-a sum hmuh tarlang kim duhloa MNF sawrkar puhtu party te hian, budget kalphung an hriatloh vang a ni a, leiba chungchanga MNF sawrkar puhtute hi sawrkar ve ta se, leibatna tur zawnga virbuai nasa ber tur an ni ang,” a ti bawk.

Hei bakah hian H. Rammawi chuan, Mizoram hruaitu hmasaten theihtawp chhuahin ram hruai thatna leh ram humhimna an lo thawh thin thu leh hruaitu hmasate hmalakna liantham chhunzawm duhlo an awm thin thu a sawi a. MNF erawh chuan Laldenga Chief Minister-na hnuaiah hruaitu hmasate hmalakna, Bairabi Hydel Project pawh chhunzawmin, Techno-Economic Clearance pawh a hmu hman hial tih a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar