Latest News

Zirlai ten thisen Unit 46 pe

/
Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.
Post a Comment

Mizoram-ah COVID-19 hri kai enkawllai 147 awm

/

Pathianni khan Mizoram-ah COVID-19 hri kai mi 9 hmuh belh leh an ni a, nimin tlai thleng khan hri kai enkawllai mi 147 an la awm a ni.

Pathianni khan Mizoram-ah Sample 71 enfiah niin heng atang hian heng COVID-19 hri kai mi 9 te hi hmuhchhuah an ni a, Sample enfiah atanga chhutin za zela 12.68 te chuan hri an kai a ni. Heng hri kai hmuhchhuah te hi Rapid Antigen Test hmanga hri kai hmuhchhuah vek niin Aizawl District-ah 7 leh Mamit District-ah mi pahnih te an ni a, RT-PCR leh TrueNat Laboratory-ah Sample enfiah a awm lo a ni.

Nimin khan Mizoram-a District 5-ah COVID-19 hri kai enkawl dam mi 23 an awm belh ve leh bawk a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,904 niin an zinga 2,28,054 te chu enkawl dam an ni tawh a, hri kai hmuh te zinga za zela 99.63 te chu enkawl dam ni tawhin hri kai enkawllai 147 an la awm a ni. Mizoram-a COVID-19 hri kai zingah nimin khan Phuaibuang khaw mi boral ve lehin Mizoram-a hri kai zingah mi 703 an boral ta bawk a ni.

Comments

Post a Comment

Popular News (Last 30 Days)