Vawk lakluh khapna hlip

African Swine Fever (ASF) hri len avanga ram pawn atanga Vawk leh Vawksa lakluh khapna thupek August ni 9, 2020-a tihchhuah tawh chu he hri leng hi Mizoram-ah chuan thunun tawh a nih avang leh Animal Husbandry & Veterinary Department-in December, 2021 atanga thla hnih chhung hri kai thar report tur an neih tawh loh bawk avangin hlih rih a ni tih Chief Secretary Dr. Renu Sharma chuan thuchhuah siamin a tarlang a. Mizoram pawn atanga Vawk leh Vawksa la lut turte tan kaihhruaina siamin Vawk inthlah-puntir turte chuan National Action Plan hnuaia SOP siam chu zawmin Vawk inthlahpuntirna tur hmun leh a chhehvel chu an thian thianghlim ngei ngei tur a ni a. Vawk puitling/vawk note lalut turte chuan AH& Vety Department hnen atangin phalna an la hmasa ngei ngei tur a nih bakah Vawk/Vawk note te hi hri awm lohna State leh thenawm ram ami te chauh lakluh phal niin an hrisel tha a ni tih tihchianna Certificate leh CSF Vaccination Certificate an la tur a ni.