PYD in thisen Unit 25 pe

UPC (Mizoram) hnuaia PYD te chuan nimin khan an dinchampha lawmin Serchhip Bial PYD te chuan Serchhip Blood Bank-ah a mamawh apiang te hman turin thisen an pe.

Thisen pek hmaa Inkhawm tawi Serchhip Blood Bank-a neih ah Bial PYD President, B. Lalbiakdika chuan PYD General chuan kumin a an dincham-pha pual hian thisen pek hun buatsaih a rel thu sawiin, an duh hun taka thisen pekna hun remchang Serchhip Blood Bank leh AVBD ten an ruahman sak thei chu lawmawm a tih thu a sawi bawk.

He hunah hian General PYD President, Upa Vanneia Pudaite thuchah chu chhiarchhuah niin bialtu Pastor, Rev. Lalnghinglova chuan tawngtaina hun a hman hnuah thisen pekna hi neih chhunzawm nghal a ni a, he hunah hian Mipa 19 leh Hmeichhia 6, an vaiin mi 25 ten thisen hi an pe a ni. PYD hi March 4, 1961 khan din a ni a, kumin hi an kum 50-na niin hmun hrang hrangah an remchan anga hun hman a ni. UPC (Mizoram) Serchhip Bial-ah hian Tualchhung Kohhran 5 an awm mek a ni.