Latest News

Dan bawhchhia mi 12,093 man an ni tawh

The Mizoram (Containment and Prevention of COVID-19) Ordinance, 2020 hnuaiah Mizoram pumah mi 12,093 man an awm tawh a, chung mite sum chawi zat chu Rs. 25,95,100/- a tling tawh.
May 4, 2020 atanga COVID-19 Ordinance hman a nih atanga nimin zing dar 9:00 thlenga dan bawhchhia man mi 12,093 zinga 10,563 chu Police leh Flying Squad te man niin, pawisa an chawitir zat chu Rs. 23,87,500/- a ni a, mi 1,530 chu Task Force-te man niin, an pawisa chawi zat chu Rs. 2,07,600/- a ni bawk. District hrang hrang zingah Aizawl District-a man tam berin mi 5,444 man niin an pawisa chawi tlingkhawm chu Rs. 11,98,300/- a ni a, Serchhip District in dawtin mi 996 man niin heng mite pawisa chawi pawh Rs. 1,43,200/- a tling bawk a ni. Lawngtlai District chu Dan bawhchhia man tam lamah pathumna niin mi 995 man an awm a, an pawisa chawi tlingkhawm pawh Rs. 1,09,300/- a ni bawk.

Comments

Popular News (Last 30 Days)