Bairabi-a mi bo ruang hmuh a ni

Tun thla ni 1 atanga chin hriatloha bo, Zobeli (61), Bairabi chu nimin khan a ruang hmuh niin nimin vek khan vuiliam nghal a ni.
Thudawn danin Bairabi South Branch YMA huamchhunga cheng, Zobeli hi June 1, 2020-a a chhuak chu chin hriatloh in a awm zui a, Bairabi Joint YMA kaihhruaina hnuaiah Mizo Dan in ni 7 chhung zawn ni mahse a chin hriat zui tur a awmlo a ni. Tunkar Ningani khan Bairabi mi thenkhat ramkal chuan Tlawng hnar lam Bairabi atanga KM 10 vela hlaah Chem, puan leh thildang an hmuh thu sawiin, nimin (Zirtawpni) khan mi tlawmngai ten an han enfiah a, hetah hian Zobeli ruang hi hmuh a ni ta a ni. Zobeli ruang an hmuhna hi Lawng bakah Ke-a kal theihna niin nimin vek khan a ruang hi Bairabi-ah lain vuiliam nghal a ni.

Comments

Chhiar Hlawhte