ZDU General Assembly nei

Zoram Drivers’ Union (ZDU) Sub-Hqrs. Serchhip chuan nimin khan General Assembly neiin hruaitu thlanna an nei.
ZDU Run, Serchhip-a ZDU Assembly hi an President, Lalthlanthanga Chawngthu chuan kaihruaiin Executive Member, R. Thangsiama chuan hunserh a hmang a, kum kalta chhunga an member boral mi 6 te sunna hun hman niin hemi hnu hian Report hrang hrang ngaihthlak a ni a, an Vice President, S. Lalpianga chuan member kalkhawm te fuihna thu a sawi bawk.
Chawhnu lamah rorelna neiin an pawl inrelbawlna atana thil pawimawh hrang hrang an sawiho a, MJA Serchhip District kaihhruaina hnuaiah kum 2019-2020 chhunga hruaitu tur thlanna neiin President-ah S. Lalpianga, Tui-khuah Veng, Vice President-ah Lalthlanthanga Chawngthu, Tuikhuah Veng, Secretary-ah LR. Bawlliana, Bazar Veng, Asst. Secretary-ah Hrang-chungnunga, Dinthar Veng, Treasurer-ah H. Raltawna, Vengchung leh Fin. Secretary-ah C. Lalpianthanga, Tuikhuah Veng te thlantlin an ni. ZDU Sub-Hqrs. Serchhip-ah hian tun dinhmun ah Member 508 an awm mek a ni.

Comments

Chhiar Hlawhte