Sorkar in Gas renchem turin mipuite ngen

Food, Civil Supplies & Consumer Affairs Department chuan thuchhuah siamin mipuite chu eirawng-bawlna Gas renchem turin a ngen.

Hemi chungchangah thuchhuah an siam ah FCS&CA Department chuan Mizoram in LPG a dawn \hin za zel a 70 vel chu Mualkhang Bottling Plant a\anga siamchhuah leh a bak za zela 30 vel chu Silchar lam (Borkhola) a\anga rawn pek nih thu an tarlang a. Tunlai fur ruahtui tam leh kawng tlang \hat loh avangin duh angin Gas phurtu motor te an rawn thleng tluang thei lo nia sawiin, Department in nimin a IOC lam a\anga report a dawn hnuhnung ah chuan LPG Bullet trucks 64 Mualkhang Gas Bottling plant a rawn phur lut tur (214 metric tonnes = 19,584 gas cylinders) vel chu Mualkhang kawng ah a thang mek a ni tih an rawn sawi tih tarlangin, hetihlai hian IOC lam chuan Durga Puja avangin thawktu mi engemawzat in chawlh an la dawn a, hemi avangin hian IOC lam hna khaihlak thei niin IOC lam chuan an rawn hriattir niin an tarlang. Hetiang anih avang hian he mi hun chhung hian Department chuan Gas renchem zawk a hmang hram hram turin mipuite a ngen a, hemi harsatna sukiang tur hian department chuan theihtawp a chhuah reng tih an tarlang bawk.