NPR siamna turin Biometric Enrolment \an a ni

National Population Register siamna tura Biometric Enrolment chu Inrinni zing a\ang khan Mizoram-ah bul \an a ni a, Chief Minister Pu Lal Thanhawla chu a chenna bungalow-ah kal chilha chhinchhiah hmasak ber a ni.
Sorkar thuchhuahin a tarlan danin Chief Minister hming an chhinchhiah zawhah hian a nupui leh fanaute chhin-chhiah chhunzawm an ni a, Chief Minister te chhungkua tih zawh hian Zar-kawt Veng a\anga hna chhunzawm tum a ni a, Khaw hrang hrangah camp vawi hnih zel siamin, official te’n a hmunah kal chilha enrolment hi tih tur a ni dawn a, hemi hun chhunga kallo te chu sorkar in a hmun bik a siamah anmahniin an inbuaipui angai tawh anga, hetianga hun bithliah chhunga tilo te chu National Population Register ah chhinchhiah an nih ve dawn loh avangin India ram chhunga cheng a ngaih theih an ni dawnlo a ni.
    Biometric enrolment-ah hian India rama cheng zawng zawng, kum nga chin chunglam te chu chhinchhiah vek tur a ni a, khua leh tui nihna pekna erawh a nilo. Hetah hian hmel pum lang thei thlalak bakah mit naute pahnih leh kut zung\ang zawng zawng zia thla laka chhinchhiah a ni ang a, hei hi mitin chhinchhiahnaah (Identity) hmangin fel taka vawn a ni ang. Hetianga thla lak sak tawhte chu Identity Card a bika siam, Unique ID (UID) digit sawmpahnih nei, Aadhar Number tia hriat chu pek an ni anga, he Unique ID Card hi Banking, Mobile Phone Connection, Ration Card, Passport leh sorkar thil pawimawh hrang hrangah mahni nihna dik tak finfiah na’n India ram hmun tinah hman theih a ni ang. Registration ti tur hian Enrolment Agencies pahnih, LYRA Con-sultancy Service, Kolkata (LCS) leh Integrated Systems & Services (ISS), Guwahati te rawih an ni a, LCS hian Mizoram district pangaah kalpuiin, ISS hian district dang pathumah an kalpui ve dawn a ni.

Popular News

Mizoram-ah Faina Hapta hman \an leh a ni

Retailer bukna diklo 3 man