Inthlanpui-a Candidate te sum hman dan chhut dan tur ruahman fel a ni.

Serchhip District Bawrhsap leh District Election Officer ni bawk, Pi Juhi Mukherjee hova Political Party hrang hrang aiawh leh thuthar theh-darhtute nimin a \hukhawm chuan inthlanpui neih tura bungraw chi hrang hrang hman man tur leh Advertisement chhuahna tur man an bithliah.
Nimin a Serchhip DC Office Chamber-a \hutkhawm District Bawrhsap, Pi Juhi Mukherjee hova neih ah hian District Bawrhsap chuan Election Commission in inthlanna a senso hautak lutuk tih ziaawm a nih theih nana ruahmanna a siam te a sawi a, hemi ang hian inthlanna a Candidate te chuan inthlan chuh tura hming an pekluh rualin a thara Bank Account hawngin hemi kaltlang chauh hian sum an hmang thei dawn a. Candidate pakhat hian inthlan kaihhnawih ah hian cheng nuai 8 thleng an hmang thei dawn a, hei aia tam an hmang a nih chuan Election Commission chuan an chungchang hi ngaihtuahin thlan tlin an nih hnuah pawh MLA a\anga paih leh thlenga hrem theih an ni dawn a ni. Hei bakah hian MLA Candidate chuan campaign-na tura bungrua sem theih chi Rs. 10,000/- man aia sang a ken chuan man theih a nih dawn bakah Political Party hruaitute pawhin pawisafai Rs. 50,000/- aia tam an ken chuan man theih a ni dawn bawk a, Candidate chhungkhat hnaivai te Bank Account-ah sum leh pai che vel a nasat viau chuan hei pawh hi endik theih a ni dawn bawk a ni. Hetianga MLA Candidate te sum hman dan thlithlai tur leh boruak muanawm tak a awm theihna turin Team chi hrang hrang pawh din fel a ni tawh bawk a ni.
    He \hutkhawm ah hian bungrua chi hrang hrang hman man bithliah zingah PA System hman man chu Rs. 100/- niin Sound System chu Rs. 1500/- leh Rs. 3000/- a ni anga, Cloth Banner man chu sq. ft. ah Rs. 25/- niin Flex-a print-na man chu sq. ft. ah Rs. 20/- a ni thung anga, Motor hman man km 10 hnuai lamah LMV Rs. 300/-, Medium Vehicle Rs. 500/-, HMV-ah Rs. 800/- leh Auto Rickshaw-ah Rs. 200/- niin KM 10 zelah Rs. 200/- vel zelin a pung dawn a, chaw eina man Rs. 50/- zel tura bithliah a nih bakah Hall hman man pawh khawpui ah Rs. 500/- a\anga Rs. 4000/- thleng a ni ang. Hei bakah hian chanchinbu a Advertisement leh News chhuah man pawh Mizoram sorkar in rate a neih lai ang hman a ni anga, heng rate hrang hrang siam te hi sumdawng te hman tur ni lovin Candidate te sum senso chhutna atana hman tur a ni dawn a ni.

Popular News

Mizoram-ah Faina Hapta hman \an leh a ni

Retailer bukna diklo 3 man