Hnam damna turin Chief Minister ni lovin System thlak an zuar tih ZNP President in a sawi.

Zoram Nationalist Party (ZNP) President Pu Lalduhoma chuan “Chief Minister \hutthlenga \hu thlak ringawt hian kan hnam damna a awm lova, keini chuan a system thlak hi kan zuar a ni,” a ti.

    He thu hi nizan hmasa a Serchhip-a Cable TV pakhat, TT Vision kaltlanga mipuite hnena thuchah a sawi ah Pu Lalduhoma hian sawiin “Kum 40 chhung sorkar kan nei tawh a, tun dinhmun hi min thlen theih chin a ni a, kalphung thara kal thei lo, a ngawl vei tawh an awm a, chung mite chu kan thlak an ngai a ni,” a ti a, Chief Minister lo ni tawh ten thilthar sawi tur an nei tawh lo chu vanduaithlak a tih thu sawiin, Manifesto chu tute emaw rawna inphuah \hat siak chi a nih loh thu leh nau chu a paitu ngeiin a hring tur a nih thu a sawi a. Mizoram in sum enkawl thiam kan mamawh tih sawiin, “Budget hi Draft anih a\angin a changtu Minister in a enpui tur a ni a, official ten daihlim a\anga an siamsa ringawt hi MLA-ten an pass ringawt tur a ni lo. Minister hian demand a rawn pharh rualin work programme a rawn siam tel tur a ni a, kum tawpah annual report an siam leh ngei ngei tur a ni bawk. Zinnaa motor inzui duah duah tir te, school naupang inhmuah tir te, nawm chen leh hlimhlawp bawl tam lutukte hi kan tihtawp a ngai. Kan sorkar chuan kalphungtharin kan kal ang tih mipui ka tiam a ni,” a ti bawk.
    Hei bakah hian Pu Lalduhoma hian Corruption chungchang pawh sawiin India ram ah Chief Minister an hunlaia chhui, thiamloh chantir kan hre ngailo tih sawiin, ‘Heng hi hmai phihfaina mai mai a ni,’ a ti a, kalphung thar ah lo chuan corruption hi a bo dawnlo nia sawiin, ZNP chu an sorkar a nih chuan Chief Minister pawh chhui thei Lokayukta an hmang dawn  tih a sawi a, tunhnaia sorkar in Chhumchhia te tana NLUP Chief Minister Special package a sem chu “Ram siam tumna tak tak leh mipui hmangaihna vang a ni lo. ‘He ti hian ti ila min vote ang’ tihna rilru mai mai a ni,” a ti bawk. ZNP President hi nizan hmasa khan Serchhip-ah riakin nimin khan Aizawl a thleng leh a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai