Aizawl District-ah HIV+ hmuhchhuah thar tam

Aizawl District AIDS Prevention and Control Committee (DAPCC) chu nimin khan an Chairman, Aizawl DC, Franklin Laltinkhuma hovin an \hukhawm.
He thutkhawm ah hian Dr Franklin Laltinkhuma chuan HIV/AIDS dona hian a natna ngawr ngawr chauh ni lovin do tur kaihhnawih a ngah hle a, department pakhat chauhvin do sen a nih loh avangin kil hrang hrang atanga do a ngai a ni, a ti. Sorkarin a thlawna inenkawlna damdawi a pekchhuah ART damdawi chu AIDS natna veite chuan nitin thlah miahlova ei vek turin a ngen a, thingtlang lama mi te tan pawh he damdawi la tur hian a thlawnin MST Bus-a chuan theih a nih thu a sawi bawk. He hunah hian Dr. Lalchhuansanga Pachuau, District Programme Manager, DAPCC chuan report pein he District-ah hian thlaruk kalta chhung khan thisen 21,145 test niin chumi zingah chuan HIV hrik pai mi 466 hmuhchhuah an ni a, ART Centre-ah mi 460 an inziaklut hman bawk. Thlaruk kalta chhunga HIV in kaidarhna lian ber chu mipat hmei-chhiatna a\ang niin 81% a tling a, hetah hian mipa chu 75% niin hmeichhia 89% an ni. A dawtah chuan inchiuna hriau thianghlimlo hmangtute zingah niin 15% a ni a, pathumna chu nu leh pa a\anga naute inkaidarhna niin 3% a tling.

Popular News

Mizoram-ah Faina Hapta hman \an leh a ni

Retailer bukna diklo 3 man