Lenkawl

Serchhip District Volleyball Association buatsaih Inter-District Players Selection Trail Tournament khelh mekah Vawiin hian Mipa Semi Final khelh a ni dawn a, Hriangtlang VC Vs Bungtlang VC leh Vengchung VC Vs Keitum Kawn VC te an inhmachhawn ang.

Serchhip bial-a Assembly bye-election neih tur atana inpuahchahna hmahruai atan Serchhip Block Congress Committee chuan nizan hmasa atang khan Serchhip khawchhung hmun thenkhatah infuihtharna hun an hmang.

Serchhip Bial-a Assembly bye-election neih tura MNF party in Nomination Committee an din chu nimin khan a vawikhatna atan an thukhawm a, Candidate chungchangah thutlukna erawh an la siam lo thung nia thudawn a ni.

COVID-19 No Tolerance Drive hman mek ah nimin khan Serchhip District-ah hri leng darh tur venna atana Dan siam bawhchhia mi 16 man leh an ni a, Rs. 100/- theuh chawitir leh an ni. Nimin a Dan bawhchhia man te hi Serchhip khua a man te vek an ni.

Serchhip District chhunga naupang kum 5 hnuailam Zeng hri danna pek beihpui thlak mek ah nimin khan naupang 236 te hri danna hi pek leh an ni a, heti hian Serchhip District pum-a hri danna pek tur mi 5518 zingah 5635 pek niin an pek tur zat aia tam …

Mizoram sawrkar-a Planning & Programme Implementation Department leh SIRD & PR Mizoram buatsaihin nimin khan Serchhip District chhunga Leng khua ah Village Level Development Programme chungchang zirhona leh hemi kaihhnawih thil pawimawh zirhona khawtlang hruaitute tan neih tan a ni.

Serchhip District Boxing Association (SED-BA) buatsaih thla 4 chhung awh tur Boxing Training, 'Operation May' tia vuah chu nimin tlai khan Serchhip District Bawrhsap, Kumar Abhishek chuan a hawng.