SIRD&PR leh SMB thawkdun

State Institute of Rural Development & Panchayati Raj (SIRD&PR) leh Synod Mission Board (SMB) te chuan Mission Development Training Centre (MDTC)-a thawkho turin nimin khan RD&AD Minister Prof. Lalnilawma Office-ah thawhdunna thuthlung an ziak a, Minister chuan he thawhhona hian rawngbawlnaah kawng zau zawk a siam a beisei thu a sawi a ni. Nimin-a Thawhdunna tur (MoU) an ziah ah hian Bualpui North-a MDTC hmuna Training Programme kalpui tur te; Training Course Module Design, Question paper set leh evaluation-ah te SIRD in MDTC an puh tur thu te; SIRD atangin qualified Resource Person chu Training pe tura kal tur leh Training Completion Certificate Course chu Director, SIRD leh Secretary, SMB hminga pek chhuah tur a nih thu bakah MDTC in training koh leh hmun hma ruahmanna siam ah mawh an phur tur thu te tarlan a ni bawk.