Mizoram-a Sangha lakluh tam

Fisheries Department changtu Minister Lal-thansanga chuan Phai lam Sangha eitur Mizoram a lo lut chu chawhrualin nitin quintal 34 leh kg 30 vel ni a chhut a nih thu Assembly thutkhawm zawhfel takah ZPM member VL. Zaithanzama zawhna ziaka chhangin a tarlang a, State dang atanga Sangha eitur lo lut te hi a him tawk em tih endikna tur, Fisheries Department leh Health & Family Welfare Department (Food and Drug Administration) tangkawp chuan ‘Standard Operating Procedure (SOP) for unsafe import of Fish to Mizoram’ (Mizoram Sangha lakluh a him leh him loh endikna tura thil tih tul te) tih chu a buatsaih mek a, hei hian nasa takin Mizoram-in Sangha thianghlim leh him chauh a lakluh theihna turin a pui dawn niin a sawi bawk.