Minister in NEIGRIHMS tlawh

Health Minister Lalrinpuii chuan nimin khan Shillong-a NEIGRIHMS tlawhin NEIGRIHMS Director Prof. Dr. Nalin Mehta leh a thawhpui ten an lo dawngsawng a, NEIGRIHMS-ah hian kum tin Mizoram atangin damlo mi singkhat vel kal thin angin chhut a ni a. An damdawi In rate a tlawm avangin Mizo mipuite tana tangkai zawka NEIGRIHMS nena thawhho theih dan tur kawnga inbiakna neih a ni. NEIGRIHMS Director chuan Mizoram Official te nen an lo inbiak nawn tur thu leh a rang thei ang bera Cashless Treatment atana Empanelment pawh tihfel an lo tum tur thu a sawi a, hemi hnu hian Official ten Technical Meeting nei chhunzawm nghalin MUHCS-a Chief Financial Officer, K. Lalnghinglova; Mizoram House Deputy Resident Commissioner, R. Lalrinzuali leh Under Secretary & PS to Minister H. Lalhruai-tluanga ten Minister hi an tawiawm a. Health Minister hian NEIGRIHMS bula NEC Fund hmanga damlo te Khualbuk tur sak mek chu a tlawh nghal bawk a ni.