Vawiin Independence Day

Vawiin August 15, 2026 hi India ram zalenna ni champha, India Independence Day a ni a, he ni hi sawrkar Pisa chawlh ah puan niin sawrkar Pisa leh zirna In hrang hrang te khar a ni anga, ramchhung hmun hrang hrangah urhsun taka hman a ni thung ang.
Serchhip-ah pawh Vawiin chawhma dar 10:00 hian Serchhip Sports Complex-ah ram zalenna ni champha lawmna hi neih a ni dawn a, PWD Minister Vanlalhlana chu khuallian ni tura beisei niin India Hnam puanzar a pawhparh bakah Parade Chibai buk chhangletin mipuite hnenah thuchah a sawi bawk ang.

India Independence Day lawmna hi Mizo-ram hmun hrang hrangah pawh neih tura ruahman niin Chief Minister Lalduhoma chuan Aizawl-ah a hmanpui anga, Home Minister K. Sapdanga chuan Kolasib-ah hmanpuiin Minister dang te pawhin District khawpui hrang hrangah an hmanpui dawn a. Civil Sub-Division leh RD Block thut-hmunah te pawh hun hman a ni ang.