Thupek zawm lo te chungah khauh tak hremna pek tum
Zirtawpni kalta khan Serchhip DC Meeting Hall-ah Serchhip Bawrhsap Paul L. Khuma hovin sawrkar hotute leh Dan lama mithiam te thu-khawmin Dan thar Bharatiya Nagarik Suraksha Sanhita (BNSS) leh Bharatiya Nyaya Sanhita (BNS) hnuaia District Magistrate leh DC ten khapna thupek (Prohibitory Order) an tihchhuah khauh taka kenkawh dan tur sawiho a ni a. Dan anga hmalakna kawngah tihsual a awm loh nan leh dan ang thlapa hremnate chak taka kalpui dan turte rel a ni a. Hnathawktu mahni mawhphurhna hlen tha lo emaw, duty ngaihthah emaw te, Deputy Commissioner/District Magistrate-in mipuite that tlanna tur atana khapna thupek hrang hrang an chhuahte zawm tha duh lo emaw, ngaihthah emaw an awm a nih chuan a rang thei ang bera DC hnenah hriattir nghal tura tih a ni a. DC chuan Court-ah thlenin Court chuan Police-te hmangin Dan ngaihthahtu leh bawhchhetute chu manin hremna an pe thin dawn a ni.
He thutkhawm ah hian Addl. DC Dorothy Muansangi, SDO (Sadar) Rebecca Laldinmawii Hrahsel, SDC te bakah Chief Judicial Magistrate (Serchhip District) aiawh te, District Court Serchhip-a Addl. Public Prosecutor Lalrosanga Colney leh Asst. Public Prosecutors te an tel a ni.