PMMSY hmalakna thlirho
Serchhip DC Meeting Hall-a thutkhawm hi an Chairman leh Bawrhsap Paul L. Khuma chuan kaihruaiin District Fisheries Development Officer (DFDO) K. Lalmalsawma chuan Department hmalakna leh hmachhawpte tarlangin sawihona neih zui a ni a, Bawrhsap Paul L. Khuma chuan Sangha khawi lama hlawhtlinna nasa zawk kan chan theih nan Bank leh Department hrang hrangte nena thawhhona (convergence) tha neih a pawimawh thu sawiin, Dil thar siamna tura hmun hma thlithlaina leh beneficiary thlan lehzelna turah pawh huamzau (inclusive) leh langtlang (transparent) taka hnate thawh a ngaih thu a sawi a, mipui tam zawkte'n hlawkna an chhar zel theih nan khawtlang hruaitu Village Council te nen pawh inrawna hmalak ho zel nise a ti a ni.
He hunah hian Serchhip District-a Sangha khawi leh Sangha Dil siamtute hmasawnna tur hrang hrangte ngaihtuah in Annual Action Plan chu sawihoa pawm a ni bawk.