Mizoram Legislative Assembly thutkhawm tan dawn

Mizoram Legislative Assembly thutkhawm chu Vawiin hian neih tan a ni dawn a, naktip-ah zawhfel a ni ang.
Ni hnih chhung awh tur Mizoram Legislative Assembly thutkhawm tan ni Vawiin hian hun hmasa lamah ram hruaitu boral te sunna hun hman a ni anga, hriat theih chinah sun turah hian Minister hlui, F. Malsawma chu a tel a ni. Sunna hun hman zawh hnuah hian zawhna leh chhanna hun hmangin hemi hnu hian sawrkar Bill sawiho tur a ni ang. Naktuk Nilaini hi sawrkar Pisa chawlh a nih avangin thutkhawm nei lovin Ningani-ah an thukhawm chhunzawm leh anga, hun hmasa lamah zawhna leh chhanna hun hmangin sawrkar Bill te ngaihtuah a nih hnuah thutkhawm tihtawp a ni ang.

Tun tum thutkhawm neih tur atan hian House chhunga tawngka a chhan chi zawhna Starred question 295 lut tawhin, ziaka chhan chi zawhna, Un-Starred question 73 a awm tawh a. Sawrkar Bill lut 11 awm tawhin Paper pharh tur 5 a awm dawn bawk a, Official Resolution pakhat a awm bawk.