Edn. Minister in hawng

School Education Minister Dr. Vanlalthlana chuan Inrinni khan Champhai Zote-a Govt. TM High School-ah Integrated Maths & Science Lab leh Office Building thar a hawng a, Integrated Maths & Science Lab hi a dung ft. 33 leh a vang ft. 16.5-a zau niin Rs. 28,21,304/- senga sak a ni a, Teachers Office building hi UD&PA hnuaiah cheng nuai 10 senga sak a ni.

School Education Minister Dr. Vanlal-thlana hian Zirtawpni khan Samagra Shiksha hnuaia Farkawn Senior Secondary School Science Stream building sak thar chu a hawng bawk a, he Building thar hi cheng nuai 124.42 senga sak niin Eastern Power Line, Zemabawk sak a ni. Minister hian Khuangleng khua leh Khawbung te tlawh bawkin khawtlang hruaitu, NGO hruaitute leh Zirtirtute a kawm bakah zirna In thenkhat te a tlawh nghal bawk a ni.