VB-G RAM G Social Audit training neih tan a ni

National Institute of Rural Development and Panchayati Raj (NIRD&PR), Hyderabad leh Social Audit Unit - Mizoram Society for Social Audit (SAU-MISSAT), Accountability and Transparency buatsaihin VB-G RAM G on Social Audit Training chu nimin khan State Institute of Rural Development & Panchayati Raj Pisa, Durtlang Leitan-ah neih tan a ni a, ni hnih chhung a awh ang.

He Training hawnna ah hian SIRD&PR Director R. Lalremsanga chuan MGNREGS thlaktu VB-G RAM G thil tum ber chu khuarei daih leh huapzo zawka Rural Development kalpui a nih thu a tarlang a. VB-G RAM Ga hlawhtlinna tura thil pawimawh tak pakhat chu Social Audit a nih thu pawh sawiin, Social Audit chu sum ziahfel dan endik tumna ngawr ngawr a ni lova, Sawrkar hmasawnna hnathawhte chu a nih ang takin mipui ten an tangkaipui em tih hriatna tur hmanrua a nih thu a sawi bawk.

He training-ah hian Serchhip District, Mamit District, Aizawl District, Champhai District leh Saitual District atanga Block Resource Persons  leh SAU Staff mi 34 an tel a, NIRD&PR, SAU Master Trainer leh SIRD&PR atanga mithiam ten zirtirna an pe ang.