MUHCS bill cheng vbc. 60 chuang pe tawh

Zonuna Kawlni (LENKAWL) • July 28, 2026 • Comments • Mizoram

Mizoram Universal Healthcare Scheme (MUHCS) 2.0 hmangin sawrkar kum kal mekah damlo enkawlna atan cheng vbc. 60 chuang hman a ni tawh. MUHCS website tarlan danin, kumin April atanga tun thlengin damlo bill 20,244 pekchhuah a ni tawh a, hemi atana pawisa pekchhuah zawng zawng chu Rs. 60,78,98,606 a ni. Mizoram State Health Care Society (MSHCS)-in damlo bill pek chhuah tawh dan an tarlan danin, sawrkar kum kal mek 2026-27 ah hian April-July 2026 chhungin Mizoram sawrkarin MUHCS zawmtu damdawi Inte hnenah damlo enkawlna senso tur tum kua a pechhuak a ni. Sawrkar kum liamta 2025-26 a April-July 2025 chhung khan MUHCS zawmtu damdawi Inte hnenah tum 20 pawisa pek a ni a, pawisa pekchhuahte chu damlo 23,560-te enkawlna senso Rs. 29,81,85,410 a ni.