Serchhip District Magistrate, Paul L. Khuma chuan Serchhip Auditorium chu thiah tura ruahman mek a ni tih thupek siama tarlangin, hetihlai hian Auditorium chhunga bungrua te suasam-a hralh thin an awm tih hriat a nih thu a tarlang a. Hei vang hian Section 163 of BNSS in thuneihna a pek angin thuneitute phalna la lovin Serchhip Auditorium leh a compound-ah luh khap a nih thu a tarlang a, hei bakah hian Serchhip Auditorium building leh a chhunga bungrua te tihchhiat tur a nih loh thu leh heng bungrua te hi lachhuakin hralh tur a nih loh thu te a tarlang a. He thupek zawm lo te chu Dan hmanga hrem an nih tur thu a tarlang bawk a ni.
