Mi 2 in Nomintion file

Tun thla ni 18-a Mizoram Rajya Sabha MP thlanna neih tur atan mi pahnih in Nomination Paper an thehlut a, hming pekluh te hi Vawiin hian enfiah a ni ang.
Election Commission of India in ruahmanna a siam angin Mizoram in Rajya Sabha a Seat khat a neih luahtu tur thlanna hi tun thla ni 18 khian neih a ni dawn a, he inthlan chuh tum te tana hming pekluh hun chu nimin tlai dar 3:00 khan tawpin Zoram People’s Movement (ZPM) Official Candidate K. Laltluangkima leh Mizo National Front (MNF) Official Candidate Zothansangi Hmar te chuan hming pelutin nimin khan tlai khan Returning Officer Zothansanga Ralte, Commissioner & Secretary, Mizoram Legislative Assembly Pisa-ah thutiam an la bawk a ni. He inthlan chuh tuma hming pelut te Nomination Paper hi Vawiin hian endik a ni anga, tun thla ni 11 thlengin inhnuhdawhna hun hawn leh a ni ang.

Mizoram Rajya Sabha MP thlanna ah hian MLA ten Vote an thlak thei dawn a,Mizo-ram MLA pakhat Vote hlut zawng 'vote value' hi 100 zêl niin tun dinhmunah ZPM-in MLA 27, MNF-in 10, BJP-in MLA 2 leh INC-in MLA pakhat an nei a, MLA nei zingah BJP leh INC te chuan Candidate an nei lo thung a ni.