World Autism Awareness Week pualin hun hmang

Zonuna Kawlni /

Serchhip-a awm Assam Rifles chuan nimin khan Serchhip-a Shalom Special School-ah a thlawna inentirna hun buatsaihin damdawi te pawh a thlawnin an sem nghal bawk.
 Assam Rifles te hian ‘World Autism Awareness Week’ hman mek pualin nimin khan New Serchhip-a Shalom Special School-ah hian a thlawna inentirna hun hi an buatsaih a, he hunah hian Dr. Rajan Sinha hovin he School-a lut mi 17 te chu an hriselna dinhmun enfiah sak niin Laboratory-a zun leh thildang en ngai te pawh an Unit Hospital-ah an enfiah sak leh dawn bawk a, damdawi te pawh sem nghal niin nimin-a damdawi an ken ni lo mamawh te pawh an pek leh tur thu an sawi a ni.

World Autism Awareness Day hi April 2-ah hman thin niin hemi pual hian ‘World Autism Awareness Week’ hi hman a ni a, nimin-a he hun hman ah hian Autism chungchanga hriat tur pawimawh hrang hrang inzirtir ni bawkin he natna nei te enkawlna atana hriat tur pawimawh hrang hrangte pawh inzirtir a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »