Serchhip Town Planning & Development Committee thukhawm

Serchhip Town Planning & Development Committee chu nimin khan Vice Chairman leh Bawrhsap Paul L. Khuma hovin Serchhip DC Meeting Hall-ah an thutkhawm.
    Serchhip Town Planning & Development Committee-ah hian Bialtu MLA Lalduhoma chu Chairman niin Serchhip Bawrhsap chu Vice Chairman a nih bakah Serchhip District-a sawrkar hotute, Serchhip Town Area chhunga Village Council te leh tlawmngai pawl te chu Member an ni a. Nimin-a thutkhawm ah hian UD&PA-a Deputy Director R. Lalhmangaihzuali chuan Powerpoint hmangin ‘GIS-Based Master plan for Serchhip Town’ sawifiahin AMRUT 2.0 hnuaiah Lunglei leh Serchhip-ah he Plan hi kalpui mek a nih thu leh Mizoram Urban and Regional Development  Act hnuaia kalpui a nih dan a tarlang bawk a. Hei hi sawiho zui niin siamthat ngai te siamthain an pawm a ni.