CRP tih dan inzirtirna Aizawl-ah buatsaih a ni

Kolkata-a Manipal Hospital EM Bypass chuan Aizawl-ah hriselna chungchang leh CPR tihdan zirtirna hun an buatsaih.

Ramchhunga mi tam takin an thihpui leh natna tlanglawn tak Heart Attack avanga mi tam takin nunna an chan thin tih tlem anih theih nan leh hemi kawnga invenna turin Kolkata-a Manipal Hospital EM Bypass chuan an beihpui thlakna ‘Anveshana – Medical Education for Media’ kaltlangin Cardiopulmonary Resuscitation (CPR) tihdan chu nizan hmasa khan Aizawl-a Hotel Regency-ah inzirtirna an buatsaih a, hetah hian damdawi lama mithiam tak tak te chuan chanchinbumite chu CPR tih dan zirtirin minute 18 chhunga chhanchhuah theih dan tur an tarlang a ni.

He hunah hian chanchinbumi thahnem tak telin Training Session hi an chhim a, Training Session-a tel te hian CPR Training Certificate dawngin heng bakah hian Manipal Hospital EM Bypass, Kolkata-a Health Card dawngin hei hi ramchhunga Manipal damdawi In hrang hrangah a hman tangkai theih dawn a, Mizoram nena thlun-zawm an duhna leh mipuite chu hriselna tha zawk pek an duhna lian tak hmangin Manipal damdawi In hian theihtawp a chhuah zel a ni.