Mizoam MLA ten Artificial Intelligence (AI) an zirho

Mizoram Legislative Assembly-a Member-te tana ni hnih (2) chhung awh tur Artificial Intelligence (AI) chungchang zirna chu nimin khan Mizoram Legislative Assembly Speaker Lalbiakzama chuan Assembly Conference Hall-ah a hawng.

He Training hawnna hunah hian Speaker Lalbiakzama chuan khawvel hmasawn zelah theihna leh thiamna sang zelin, technology hman nasat a ngai deuh deuh dawn a, ram hruaitute tana heng thiamna thar, AI hman dan hriat chu a pawimawh avanga he hun hi buatsaih a nih thu a sawi a. Mizo tawng ngeia AI lama mithiamte’n zirtirna an pe thei tur chu lawmawm a tih thu leh a bulthut atanga thiam a pawimawhzia te a sawi bawk a ni.

Training hawnna hun hi Mizoram Legislative Assembly Addl. Secretary Lalthangmawia chuan kaihruaiin thupui hrang hrang hmangin LushAITech atanga Resource Person – Lawmna Kima, CEO; Lalremruat Kima, CFO leh Robert Lalramhluna, VP-te chuan MLA te hi an zirtir dawn a ni.