Hockey-ah STC Thenzawl an Champion
He inelna hi Ocotober ni 6 atanga ni 11 chhung khan SAI-NSSC Bengalore-ah neih niin, STC Thenzawl a inzirlai tleirawlte te hian Final-ah STC Sundargarh chu goal thum goal khata hnehin an Champion a, Final-ah hian Vanlalpeki chu Player of the Match atan thlan niin Player of the Tournament atan Laldinpuii chu thlan a ni bawk. STC Thenzawl-ah hian Mizoram hmun hrang hrang atanga Hmeichhe Hockey khel thiam, hmabak nei eng tak tak te an inzir mek a ni.
Thenzawl Centre atang hian India aiawh a khel phak thahnem tak an lo inzir chhuak tawh a, an zingah hian Lalremsiami Hmar pawh a tel a. Lalremsiami hi Olympian niin, tun dinhmunah India Senior player pawimawh a ni mek bawk a ni.
Sports Minister Lalnghinglova Hmar chuan STC Thenzawl te a lawmpui thu hi Social Media kaltlanga tarlangi nghalin, “Mizo ten Hockey-ah theihna sang tak kan nei a, a bikin Hmeichhe Hockey-ah result leh player chhuanawm tak tak kan nei,” tiin Mizoram sawrkar in ‘Vision 2036 Olympic’ leh ‘Empowering Mizoram Sports’ a kalpui turah pawh Hockey chu discipline ngaihpawimawh zingah a tel thu a tarlang bawk.
Comments
Post a Comment
I ngaihdan i sawi hian mipui ngaihdan i tarlang a ni!